હઝરત મખ્દૂમ મુહમ્મદ ઇબ્રાહિમ અલ-હારીસી નક઼શબંદી-મુજદ્દદી (માંડવી, કચ્છ) — જીવનચરિત્ર અને રૂહાની વારસો (PDF ડાઉનલોડ)

📖 પુસ્તક પરિચય: હઝરત મખ્દૂમ મુહમ્મદ ઇબ્રાહિમ અલ-હારીસી અલ-હાશિમી (માંડવી, કચ્છ)

— જીવનચરિત્ર, ઇતિહાસ, કરામતો અને રૂહાની વારસો —

બિસ્મિલ્લાહિર રહમાનિર રહીમ

કચ્છ માંડવીના સમુદ્રકાંઠે આરામ ફરમાવતા સિલસિલા-એ-આલિયા નકશબંદિયા મુજદ્દદિયાના મહાન આરિફ-બિલ્લાહ, ફકીહ અને ઉચ્ચ કોટિના વિદ્વાન હઝરત મખ્દૂમ મુહમ્મદ ઇબ્રાહિમ નક઼શબંદી-મુજદ્દદી મડઈવાળા (રહમતુલ્લાહ અલયહિ) ના વિદ્વત્તાસભર જીવન અને રૂહાની વારસા પર આધારિત આ સંશોધનાત્મક પુસ્તક ગુજરાતી ભાષામાં તમામ વાચકો અને અકીદતમંદો માટે પ્રસ્તુત છે.

આ પુસ્તક મૂળ ઉર્દુ ગ્રંથ ‘સિંધ કે સૂફિયા-એ-નકશબંદ’ (લેખક: ડૉ. સાહેબજાદા અબુલ ખૈર મોહમ્મદ ઝુબૈર) તેમજ પ્રામાણિક ઐતિહાસિક સ્રોતોના આધારે સંકલિત અને સંપાદિત કરવામાં આવ્યું છે.

🌟 પુસ્તકની મુખ્ય વિશેષતાઓ અને પ્રકરણો:

1. શજરા-એ-તરીકતનું મુબારક જોડાણ: કુત્બુલ અક્તાબ હઝરત ખ્વાજા સૈયદ મિયાં મુહમ્મદ ફાઝિલ અલ-અબ્બાસી અલ-હાશિમી (રાણાવાવ, પોરબંદર) અને હઝરત મખ્દૂમ મુહમ્મદ ઇબ્રાહિમ (માંડવી, કચ્છ) વચ્ચેના પવિત્ર પીર-ભાઈ સંબંધ અને શાહ મોહમ્મદ સફીઉલ્લાહ નકશબંદી કાબુલી (રહ.) તરફથી પ્રાપ્ત થયેલ ખિલાફતનો ઇતિહાસ.
2. પારિવારિક પૃષ્ઠભૂમિ અને વંશાવલિ (નસબનામું): સિંધના સુપ્રસિદ્ધ મુહદ્દિસ હઝરત મખ્દૂમ મુહમ્મદ હાશિમ ઠઠ્ઠવી (રહ.) તથા પિતા મખ્દૂમ અબ્દુલ લતીફ (અવ્વલ) ની ઇલ્મી પરંપરા અને અલ-હારીસ બિન અબ્દુલ મુત્તલિબ (બની હાશિમ) સાથે જોડાયેલ વંશવૃક્ષ.
3. ઐતિહાસિક ગ્રંથોના પ્રમાણો: ‘તુહફતુલ કિરામ’, ‘તક્મિલા મકાલાત અશ-શુઅરા’, ‘મુનિસ અલ-મુખલિસીન’ અને ‘ઉમદતુલ મકામાત’ માં વર્ણવેલ આપના ઇલ્મ અને વિદ્વત્તાના પુરાવા.
4. રુશ્દ-ઓ-હિદાયત અને કરામતો: સિંધ, કચ્છ અને ગુજરાતમાં લાખો મુરીદો સુધી નકશબંદી તસવ્વુફનો પ્રચાર તેમજ ઉર્સ-એ-નબવી ﷺ ની ન્યાઝ અને તમાકુ નિષેધનો પ્રેરણાદાયી ઐતિહાસિક પ્રસંગ.
5. સાહિત્યિક યોગદાન (તસ્નીફાત): મખ્દૂમ સાહેબ દ્વારા રચિત ૨૧થી વધુ અરબી અને ફારસી ગ્રંથોની સૂચિ તેમજ મુર્શિદની યાદમાં લખાયેલ ૧૫૫ અરબી અશઆરનો ઐતિહાસિક મરસિયો.

📋 પુસ્તકની સંક્ષિપ્ત વિગત:

• પુસ્તકનું નામ: હઝરત મખ્દૂમ મુહમ્મદ ઇબ્રાહિમ અલ-હારીસી અલ-હાશિમી (માંડવી, કચ્છ)
• સંકલન તથા સંપાદન: પીર સૈયદ ઈશાકમિયાં અલ-અબ્બાસી અલ-હાશિમી (M.A., B.Ed.)
• પ્રકાશક: ખાનકાહ-એ-આલિયા નકશબંદિયા-મુજદ્દદિયા, ૧૦૩, તૈયબાહ ટાઉનશિપ, ભુજ – કચ્છ (ગુજરાત)
• ફોર્મેટ: PDF (ડિજિટલ આવૃત્તિ)

📥 નિઃશુલ્ક PDF ડાઉનલોડ લિંક:

વાચકો અને સંશોધકો નીચે આપેલી લિંક પર ક્લિક કરીને આ સંપૂર્ણ પુસ્તક વાંચી તેમજ ડાઉનલોડ કરી શકે છે:

👉 અહીં ક્લિક કરીને પુસ્તક (PDF) ડાઉનલોડ કરો

📚 નવું પ્રકાશન: આધ્યાત્મિક અને ઐતિહાસિક પુસ્તક (PDF)

🌐 વિશેષ માહિતી માટે મુલાકાત લો: sufidiary.com

About the Author

Sufidiary

Administrator

પીર સૈયદ ઈશાકમિયાં અલઅબ્બાસી અલહાશિમી ખાનકાહ-એ-આલિયા નકશ઼બંદીયા-ચિશ્તિયા-સાબિરીયા-અશરફીયા, ભુજ કચ્છ.

Visit Website View All Posts